ಪರಿಚಯ: ಶಿವಗಂಗೆ ನಗರ ಚಾರಣಿಗರ ಹತ್ತಿರದ ಚಾರಣ ಸ್ಥಳ. ಬೆಂಗಳೂರು-ತುಮಕೂರು ರಸ್ತೆಯ ದಾಬಾಸ್ ಪೇಟೆಯಲ್ಲಿದೆ. ಬೆಂಗಳೂರಿನಿಂದ ಸುಮಾರು 55 ಕಿ.ಮೀ ಹಾಗು ತುಮಕೂರಿನಿಂದ ಸುಮಾರು 20 ಕಿ.ಮೀ ದೂರದಲ್ಲಿದೆ. ಶಿವಗಂಗೆ ಸುಮಾರು 800 ಮೀ ಎತ್ತರದ ಬೆಟ್ಟವಾಗಿದೆ. ಈ ಬೆಟ್ಟದಲ್ಲಿ ಗವಿಗಂಗಾಧರೇಶ್ವರ, ಹೊನ್ನಮ್ಮ ದೇವಿ ದೇವಸ್ಥಾನಗಳಿವೆ. ಈ ದೇವಸ್ಥಾನಗಳು ವಿಶೇಷವಾಗಿ ಗವಿಗಳ ಒಳಗೆ ಇವೆ. ಒಂಟಿ ಕಲ್ಲಿನ ಮೇಲೆ ಕೆತ್ತಿರುವ ಬಸವ ನೋಡಲು ವಿಶೇಷ, ಪಾತಾಳಗಂಗೆ, ಒಳಕ್ಕಲ್ ತೀರ್ಥಗಳಿದ್ದು ದೂರದ ಊರುಗಳಿಂದ ಭಕ್ತಾಧಿಗಳು ಹಾಗು ಚಾರಣಿಗರು ಭೇಟಿ ನೀಡುತ್ತಾರೆ.
ಶಿವಗಂಗೆಯ ಮೊದಲ ಹಂತದ ಚಾರಣ ಸುಲಭವಾಗಿದೆ, ದ್ವಿತೀಯ ಹಂತವು ಸಾಧಾರಣ ಹಾಗು ಕೊನೆಯ ಹಂತದ ಚಾರಣವು ಸ್ವಲ್ಪ ಕಠಿಣವಾಗಿದೆ. ದಾರಿ ಮಧ್ಯ ತಣಿವು ಆರಿಸಲು ಚಿಕ್ಕ ಚಿಕ್ಕ ಅಂಗಡಿಗಳಿದ್ದು ನೀರು, ಮಜ್ಜಿಗೆ, ಲಿಂಬೆ ಪಾನಕಗಳು ಸಿಗುತ್ತದೆ.
ಬೆಟ್ಟದಲ್ಲಿ ವಾನರರ ಉಪಟಳ ಜಾಸ್ತಿ ಇದ್ದು ತಿಂಡಿ, ಹಣ್ಣು ಗಳಿದ್ದಲ್ಲಿ ಜಾಗ್ರತೆವಹಿಸಿಕೊಳ್ಳುವುದು ಸೂಕ್ತ.
ಬೆಂಗಳೂರಿನಿಂದ ಬೈಕಿಂಗ್ ಹೊರಟು ಶಿವಗಂಗೆ ಚಾರಣದ ಕೆಲವೊಂದು ಪೋಟೋಗಳು..
